इस कुण्डलिनी सहस्रनाम स्तोत्र का प्रयोग अपने गुरु से अनुमति, सहमति व विधान लेने के उपरान्त ही करें !
श्री आनन्द भैरवी उवाच :-
अथ कान्त प्रवक्ष्यामि कुण्डलीचेतनादिकम् । सहस्रनामसकलं कुण्डलिन्याः प्रियं सुखम् ॥ १॥
अष्टोत्तरं महापुण्यं साक्षात् सिद्धिप्रदायकम् । तव प्रेमवशेनैव कथयामि शृणुष्व तत् ॥ २॥
विना यजनयोगेन विना ध्यानेन यत्फलम् । तत्फलं लभते सद्यो विद्यायाः सुकृपा भवेत् ॥ ३॥
या विद्या भुवनेशानी त्रैलोक्यपरिपूजिता । सा देवी कुण्डली माता त्रैलोक्यं पाति सर्वदा ॥ ४॥
तस्या नाम सहस्राणि अष्टोत्तरशतानि च । श्रवणात्पठनान्मन्त्री महाभक्तो भवेदिह ॥ ५॥
ऐहिके स भवेन्नाथ जीवन्मुक्तो महाबली ॥ ६॥
ॐ अस्य श्रीमन्महाकुण्डलीसाष्टोत्तरसहस्रनामस्तोत्रस्य ब्रह्मर्षीर्जगतीच्छन्दो भगवती श्रीमन्महाकुण्डली देवता: सर्वयोगसमृद्धिसिद्ध्यर्थे जपे विनियोगः ॥
कुलेश्वरी कुलानन्दा कुलीना कुलकुण्डली । श्रीमन्महाकुण्डली च कुलकन्या कुलप्रिया ॥ ७॥
कुलक्षेत्रस्थिता कौली कुलीनार्थप्रकाशिनी । कुलाख्या कुलमार्गस्था कुलशास्त्रार्थपातिनी ॥ ८॥
कुलज्ञा कुलयोग्या च कुलपुष्पप्रकाशिनी । कुलीना च कुलाध्यक्षा कुलचन्दनलेपिता ॥ ९॥
कुलरूपा कुलोद्भूता कुलकुण्डलिवासिनी । कुलाभिन्ना कुलोत्पन्ना कुलाचारविनोदिनी ॥ १०॥
कुलवृक्षसमुद्भूता कुलमाला कुलप्रभा । कुलज्ञा कुलमध्यस्था कुलकङ्कणशोभिता ॥ ११॥
कुलोत्तरा कौलपूजा कुलालापा कुलक्रिया । कुलभेदा कुलप्राणा कुलदेवी कुलस्तुतिः ॥ १२॥
कौलिका कालिका काल्या कलिभिन्ना कलाकला । कलिकल्मषहन्त्री च कलिदोषविनाशिनी ॥ १३॥
कङ्काली केवलानन्दा कालज्ञा कालधारिणी । कौतुकी कौमुदी केका काका काकलयान्तरा ॥ १४॥
कोमलाङ्गी करालास्या कन्दपूज्या च कोमला । कैशोरी काकपुच्छस्था कम्बलासनवासिनी ॥ १५॥
कैकेयीपूजिता कोला कोलपुत्री कपिध्वजा । कमला कमलाक्षी च कम्बलाश्वतरप्रिया ॥ १६॥
कलिकाभङ्गदोषस्था कालज्ञा कालकुण्डली । काव्यदा कविता वाणी कालसन्दर्भभेदिनी ॥ १७॥
कुमारी करुणाकारा कुरुसैन्यविनाशिनी । कान्ता कुलगता कामा कामिनी कामनाशिनी ॥ १८॥
कामोद्भवा कामकन्या केवला कालघातिनी । कैलासशिखरारूढा कैलासपतिसेविता ॥ १९॥
कैलासनाथनमिता केयूरहारमण्डिता । कन्दर्पा कठिनानन्दा कुलगा कीचकृत्यहा ॥ २०॥
कमलास्या कठोरा च कीटरूपा कटिस्थिता । कन्देश्वरी कन्दरूपा कोलिका कन्दवासिनी ॥ २१॥
कूटस्था कूटभक्षा च कालकूटविनाशिनी । कामाख्या कमला काम्या कामराजतनूद्भवा ॥ २२॥
कामरूपधरा कम्रा कमनीया कविप्रिया । कञ्जानना कञ्जहस्ता कञ्जपत्रायतेक्षणा ॥ २३॥
काकिनी कामरूपस्था कामरूपप्रकाशिनी । कोलाविध्वंसिनी कङ्का कलङ्कार्ककलङ्किनी ॥ २४॥
महाकुलनदी कर्णा कर्णकाण्डविमोहिनी । काण्डस्था काण्डकरुणा कर्मकस्था कुटुम्बिनी ॥ २५॥
कमलाभा भवा कल्ला करुणा करुणामयी । करुणेशी कराकर्त्री कर्तृहस्ता कलोदया ॥ २६॥
कारुण्यसागरोद्भूता कारुण्यसिन्धुवासिनी । कात्तीकेशी कात्तीकस्था कात्तीकप्राणपालनी ॥ २७॥
करुणानिधिपूज्या च करणीया क्रिया कला । कल्पस्था कल्पनिलया कल्पातीता च कल्पिता ॥ २८॥
कुलया कुलविज्ञाना कर्षीणी कालरात्रिका । कैवल्यदा कोकरस्था कलमञ्जीररञ्जनी ॥ २९॥
कलयन्ती कालजिह्वा किङ्करासनकारिणी । कुमुदा कुशलानन्दा कौशल्याकाशवासिनी ॥ ३०॥
कसापहासहन्त्री च कैवल्यगुणसम्भवा । एकाकिनी अर्करूपा कुवला कर्कटस्थिता ॥ ३१॥
कर्कोटका कोष्ठरूपा कूटवह्निकरस्थिता । कूजन्ती मधुरध्वानं कामयन्ती सुलक्षणाम् ॥ ३२॥
केतकी कुसुमानन्दा केतकीपुण्यमण्डिता । कर्पूरपूररुचिरा कर्पूरभक्षणप्रिया ॥ ३३॥
कपालपात्रहस्ता च कपालचन्द्रधारिणी । कामधेनुस्वरूपा च कामधेनुः क्रियान्विता ॥ ३४॥
कश्यपी काश्यपा कुन्ती केशान्ता केशमोहिनी । कालकर्त्री कूपकर्त्री कुलपा कामचारिणी ॥ ३५॥
कुङ्कुमाभा कज्जलस्था कमिता कोपघातिनी । केलिस्था केलिकलिता कोपना कर्पटस्थिता ॥ ३६॥
कलातीता कालविद्या कालात्मपुरुषोद्भवा । कष्टस्था कष्टकुष्ठस्था कुष्ठहा कष्टहा कुशा ॥ ३७॥
कालिका स्फुटकर्त्री च काम्बोजा कामला कुला । कुशलाख्या काककुष्ठा कर्मस्था कूर्ममध्यगा ॥ ३८॥
कुण्डलाकारचक्रस्था कुण्डगोलोद्भवा कफा । कपित्थाग्रवसाकाशा कपित्थरोधकारिणी ॥ ३९॥
काहोड काहड काड कङ्कला भाषकारिणी । कनका कनकाभा च कनकाद्रिनिवासिनी ॥ ४०॥
कार्पासयज्ञसूत्रस्था कूटब्रह्मार्थसाधिनी । कलञ्जभक्षिणी क्रूरा क्रोधपुञ्जा कपिस्थिता ॥ ४१॥
कपाली साधनरता कनिष्ठाकाशवासिनी । कुञ्जरेशी कुञ्जरस्था कुञ्जरा कुञ्जरागतिः ॥ ४२॥
कुञ्जस्था कुञ्जरमणी कुञ्जमन्दिरवासिनी । कुपिता कोपशून्या च कोपाकोपविवर्जीता ॥ ४३॥
कपिञ्जलस्था कापिञ्जा कपिञ्जलतरूद्भवा । कुन्तीप्रेमकथाविष्टा कुन्तीमानसपूजिता ॥ ४४॥
कुन्तला कुन्तहस्ता च कुलकुन्तललोहिनी । कान्ताङ्घ्रसेविका कान्तकुशला कोशलावती ॥ ४५॥
केशिहन्त्री ककुत्स्था च ककुत्स्थवनवासिनी । कैलासशिखरानन्दा कैलासगिरिपूजिता ॥ ४६॥
कीलालनिर्मलाकारा कीलालमुग्धकारिणी । कुतुना कुट्टही कुट्ठा कूटना मोदकारिणी ॥ ४७॥
क्रौङ्कारी क्रौङ्करी काशी कुहुशब्दस्था किरातिनी । कूजन्ती सर्ववचनं कारयन्ती कृताकृतम् ॥ ४८॥
कृपानिधिस्वरूपा च कृपासागरवासिनी । केवलानन्दनिरता केवलानन्दकारिणी ॥ ४९॥
कृमिला कृमिदोषघ्नी कृपा कपटकुट्टिता । कृशाङ्गी क्रमभङ्गस्था किङ्करस्था कटस्थिता ॥ ५०॥
कामरूपा कान्तरता कामरूपस्य सिद्धिदा । कामरूपपीठदेवी कामरूपाङ्कुजा कुजा ॥ ५१॥
कामरूपा कामविद्या कामरूपादिकालिका । कामरूपकला काम्या कामरूपकुलेश्वरी ॥ ५२॥
कामरूपजनानन्दा कामरूपकुशाग्रधीः । कामरूपकराकाशा कामरूपतरुस्थिता ॥ ५३॥
कामात्मजा कामकला कामरूपविहारिणी । कामशास्त्रार्थमध्यस्था कामरूपक्रियाकला ॥ ५४॥
कामरूपमहाकाली कामरूपयशोमयी । कामरूपपरमानन्दा कामरूपादिकामिनी ॥ ५५॥
कूलमूला कामरूपपद्ममध्यनिवासिनी । कृताञ्जलिप्रिया कृत्या कृत्यादेवीस्थिता कटा ॥ ५६॥
कटका काटका कोटिकटिघण्टविनोदिनी । कटिस्थूलतरा काष्ठा कात्यायनसुसिद्धिदा ॥ ५७॥
कात्यायनी काचलस्था कामचन्द्रानना कथा । काश्मीरदेशनिरता काश्मीरी कृषिकर्मजा ॥ ५८॥
कृषिकर्मस्थिता कौर्मा कूर्मपृष्ठनिवासिनी । कालघण्टा नादरता कलमञ्जीरमोहिनी ॥ ५९॥
कलयन्ती शत्रुवर्गान् क्रोधयन्ती गुणागुणम् । कामयन्ती सर्वकामं काशयन्ती जगत्त्रयम् ॥ ६०॥
कौलकन्या कालकन्या कौलकालकुलेश्वरी । कौलमन्दिरसंस्था च कुलधर्मविडम्बिनी ॥ ६१॥
कुलधर्मरताकारा कुलधर्मविनाशिनी । कुलधर्मपण्डिता च कुलधर्मसमृद्धिदा ॥ ६२॥
कौलभोगमोक्षदा च कौलभोगेन्द्रयोगिनी । कौलकर्मा नवकुला श्वेतचम्पकमालिनी ॥ ६३॥
कुलपुष्पमाल्याकान्ता कुलपुष्पभवोद्भवा । कौलकोलाहलकरा कौलकर्मप्रिया परा ॥ ६४॥
काशीस्थिता काशकन्या काशी चक्षुःप्रिया कुथा । काष्ठासनप्रिया काका काकपक्षकपालिका ॥ ६५॥
कपालरसभोज्या च कपालनवमालिनी । कपालस्था च कापाली कपालसिद्धिदायिनी ॥ ६६॥
कपाला कुलकर्त्री च कपालशिखरस्थिता । कथना कृपणश्रीदा कृपी कृपणसेविता ॥ ६७॥
कर्महन्त्री कर्मगता कर्माकर्मविवर्जीता । कर्मसिद्धिरता कामी कर्मज्ञाननिवासिनी ॥ ६८॥
कर्मधर्मसुशीला च कर्मधर्मवशङ्करी । कनकाब्जसुनिर्माणमहासिंहासनस्थिता ॥ ६९॥
कनकग्रन्थिमाल्याढ्या कनकग्रन्थिभेदिनी । कनकोद्भवकन्या च कनकाम्भोजवासिनी ॥ ७०॥
कालकूटादिकूटस्था किटिशब्दान्तरस्थिता । कङ्कपक्षिनादमुखा कामधेनूद्भवा कला ॥ ७१॥
कङ्कणाभा धरा कर्द्दा कर्द्दमा कर्द्दमस्थिता । कर्द्दमस्थजलाच्छन्ना कर्द्दमस्थजनप्रिया ॥ ७२॥
कमठस्था कार्मुकस्था कम्रस्था कंसनाशिनी । कंसप्रिया कंसहन्त्री कंसाज्ञानकरालिनी ॥ ७३॥
काञ्चनाभा काञ्चनदा कामदा क्रमदा कदा । कान्तभिन्ना कान्तचिन्ता कमलासनवासिनी ॥ ७४॥
कमलासनसिद्धिस्था कमलासनदेवता । कुत्सिता कुत्सितरता कुत्सा शापविवर्जीता ॥ ७५॥
कुपुत्ररक्षिका कुल्ला कुपुत्रमानसापहा । कुजरक्षकरी कौजी कुब्जाख्या कुब्जविग्रहा ॥ ७६॥
कुनखी कूपदीक्षुस्था कुकरी कुधनी कुदा । कुप्रिया कोकिलानन्दा कोकिला कामदायिनी ॥ ७७॥
कुकामिना कुबुद्धिस्था कूर्पवाहन मोहिनी । कुलका कुललोकस्था कुशासनसुसिद्धिदा ॥ ७८॥
कौशिकी देवता कस्या कन्नादनादसुप्रिया । कुसौष्ठवा कुमित्रस्था कुमित्रशत्रुघातिनी ॥ ७९॥
कुज्ञाननिकरा कुस्था कुजिस्था कर्जदायिनी । ककर्जा कर्ज्जकरिणी कर्जवद्धविमोहिनी ॥ ८०॥
कर्जशोधनकर्त्री च कालास्त्रधारिणी सदा । कुगतिः कालसुगतिः कलिबुद्धिविनाशिनी ॥ ८१॥
कलिकालफलोत्पन्ना कलिपावनकारिणी । कलिपापहरा काली कलिसिद्धिसुसूक्ष्मदा ॥ ८२॥
कालिदासवाक्यगता कालिदाससुसिद्धिदा । कलिशिक्षा कालशिक्षा कन्दशिक्षापरायणा ॥ ८३॥
कमनीयभावरता कमनीयसुभक्तिदा । करकाजनरूपा च कक्षावादकरा करा ॥ ८४॥
कञ्चुवर्णा काकवर्णा क्रोष्टुरूपा कषामला । क्रोष्ट्रनादरता कीता कातरा कातरप्रिया ॥ ८५॥
कातरस्था कातराज्ञा कातरानन्दकारिणी । काशमर्द्दतरूद्भूता काशमर्द्दविभक्षिणी ॥ ८६॥
कष्टहानिः कष्टदात्री कष्टलोकविरक्तिदा । कायागता कायसिद्धिः कायानन्दप्रकाशिनी ॥ ८७॥
कायगन्धहरा कुम्भा कायकुम्भा कठोरिणी । कठोरतरुसंस्था च कठोरलोकनाशिनी ॥ ८८॥
कुमार्गस्थापिता कुप्रा कार्पासतरुसम्भवा । कार्पासवृक्षसूत्रस्था कुवर्गस्था करोत्तरा ॥ ८९॥
कर्णाटकर्णसम्भूता कार्णाटी कर्णपूजिता । कर्णास्त्ररक्षिका कर्णा कर्णहा कर्णकुण्डला ॥ ९०॥
कुन्तलादेशनमिता कुटुम्बा कुम्भकारिका । कर्णासरासना कृष्टा कृष्णहस्ताम्बुजाजीता ॥ ९१॥
कृष्णाङ्गी कृष्णदेहस्था कुदेशस्था कुमङ्गला । क्रूरकर्मस्थिता कोरा किरात कुलकामिनी ॥ ९२॥
कालवारिप्रिया कामा काव्यवाक्यप्रिया क्रुधा । कञ्जलता कौमुदी च कुज्योत्स्ना कलनप्रिया ॥ ९३॥
कलना सर्वभूतानां कपित्थवनवासिनी । कटुनिम्बस्थिता काख्या कवर्गाख्या कवर्गीका ॥ ९४॥
किरातच्छेदिनी कार्या कार्याकार्यविवर्जीता । कात्यायनादिकल्पस्था कात्यायनसुखोदया ॥ ९५॥
कुक्षेत्रस्था कुलाविघ्ना करणादिप्रवेशिनी । काङ्काली किङ्कला काला किलिता सर्वकामिनी ॥ ९६॥
कीलितापेक्षिता कूटा कूटकुङ्कुमचर्चीता । कुङ्कुमागन्धनिलया कुटुम्बभवनस्थिता ॥ ९७॥
कुकृपा करणानन्दा कवितारसमोहिनी । काव्यशास्त्रानन्दरता काव्यपूज्या कवीश्वरी ॥ ९८॥
कटकादिहस्तिरथहयदुन्दुभिशब्दिनी । कितवा क्रूरधूर्तस्था केकाशब्दनिवासिनी ॥ ९९॥
कें केवलाम्बिता केता केतकीपुष्पमोहिनी । कैं कैवल्यगुणोद्वास्या कैवल्यधनदायिनी ॥ १००॥
करी धनीन्द्रजननी काक्षताक्षकलङ्किनी । कुडुवान्ता कान्तिशान्ता काङ्क्षा पारमहंस्यगा ॥ १०१॥
कर्त्री चित्ता कान्तवित्ता कृषणा कृषिभोजिनी । कुङ्कुमाशक्तहृदया केयूरहारमालिनी ॥ १०२॥
कीश्वरी केशवा कुम्भा कैशोरजनपूजिता । कलिकामध्यनिरता कोकिलस्वरगामिनी ॥ १०३॥
कुरदेहहरा कुम्बा कुडुम्बा कुरभेदिनी । कुण्डलीश्वरसंवादा कुण्डलीश्वरमध्यगा ॥ १०४॥
कालसूक्ष्मा कालयज्ञा कालहारकरी कहा । कहलस्था कलहस्था कलहा कलहाङ्करी ॥ १०५॥
कुरङ्गी श्रीकुरङ्गस्था कोरङ्गी कुण्डलापहा । कुकलङ्की कृष्णबुद्धिः कृष्णा ध्याननिवासिनी ॥ १०६॥
कुतवा काष्ठवलता कृतार्थकरणी कुसी । कलनकस्था कस्वरस्था कलिका दोषभङ्गजा ॥ १०७॥
कुसुमाकारकमला कुसुमस्रग्विभूषणा । किञ्जल्का कैतवार्कशा कमनीयजलोदया ॥ १०८॥
ककारकूटसर्वाङ्गी ककाराम्बरमालिनी । कालभेदकरा काटा कर्पवासा ककुत्स्थला ॥ १०९॥
कुवासा कबरी कर्वा कूसवी कुरुपालनी । कुरुपृष्ठा कुरुश्रेष्ठा कुरूणां ज्ञाननाशिनी ॥ ११०॥
कुतूहलरता कान्ता कुव्याप्ता कष्टबन्धना । कषायणतरुस्था च कषायणरसोद्भवा ॥ १११॥
कतिविद्या कुष्ठदात्री कुष्ठिशोकविसर्जनी । काष्ठासनगता कार्याश्रया का श्रयकौलिका ॥ ११२॥
कालिका कालिसन्त्रस्ता कौलिकध्यानवासिनी । क्लृप्तस्था क्लृप्तजननी क्लृप्तच्छन्ना कलिध्वजा ॥ ११३॥
केशवा केशवानन्दा केश्यादिदानवापहा । केशवाङ्गजकन्या च केशवाङ्गजमोहिनी ॥ ११४॥
किशोरार्चनयोग्या च किशोरदेवदेवता । कान्तश्रीकरणी कुत्या कपटा प्रियघातिनी ॥ ११५॥
कुकामजनिता कौञ्चा कौञ्चस्था कौञ्चवासिनी । कूपस्था कूपबुद्धिस्था कूपमाला मनोरमा ॥ ११६॥
कूपपुष्पाश्रया कान्तिः क्रमदाक्रमदाक्रमा । कुविक्रमा कुक्रमस्था कुण्डलीकुण्डदेवता ॥ ११७॥
कौण्डिल्यनगरोद्भूता कौण्डिल्यगोत्रपूजिता । कपिराजस्थिता कापी कपिबुद्धिबलोदया ॥ ११८॥
कपिध्यानपरा मुख्या कुव्यवस्था कुसाक्षिदा । कुमध्यस्था कुकल्पा च कुलपङ्क्तिप्रकाशिनी ॥ ११९॥
कुलभ्रमरदेहस्था कुलभ्रमरनादिनी । कुलासङ्गा कुलाक्षी च कुलमत्ता कुलानिला ॥ १२०॥
कलिचिन्हा कालचिन्हा कण्ठचिन्हा कवीन्द्रजा । करीन्द्रा कमलेशश्रीः कोटिकन्दर्पदर्पहा ॥ १२१॥
कोटितेजोमयी कोट्या कोटीरपद्ममालिनी । कोटीरमोहिनी कोटिः कोटिकोटिविधूद्भवा ॥ १२२॥
कोटिसूर्यसमानास्या कोटिकालानलोपमा । कोटीरहारललिता कोटिपर्वतधारिणी ॥ १२३॥
कुचयुग्मधरा देवी कुचकामप्रकाशिनी । कुचानन्दा कुचाच्छन्ना कुचकाठिन्यकारिणी ॥ १२४॥
कुचयुग्ममोहनस्था कुचमायातुरा कुचा । कुचयौवनसम्मोहा कुचमर्द्दनसौख्यदा ॥ १२५॥
काचस्था काचदेहा च काचपूरनिवासिनी । काचग्रस्था काचवर्णा कीचकप्राणनाशिनी ॥ १२६॥
कमला लोचनप्रेमा कोमलाक्षी मनुप्रिया । कमलाक्षी कमलजा कमलास्या करालजा ॥ १२७॥
कमलाङ्घिरद्वया काम्या कराख्या करमालिनी । करपद्मधरा कन्दा कन्दबुद्धिप्रदायिनी ॥ १२८॥
कमलोद्भवपुत्री च कमला पुत्रकामिनी । किरन्ती किरणाच्छन्ना किरणप्राणवासिनी ॥ १२९॥
काव्यप्रदा काव्यचित्ता काव्यसारप्रकाशिनी । कलाम्बा कल्पजननी कल्पभेदासनस्थिता ॥ १३०॥
कालेच्छा कालसारस्था कालमारणघातिनी । किरणक्रमदीपस्था कर्मस्था क्रमदीपिका ॥ १३१॥
काललक्ष्मीः कालचण्डा कुलचण्डेश्वरप्रिया । काकिनीशक्तिदेहस्था कितवा किन्तकारिणी ॥ १३२॥
करञ्चा कञ्चुका क्रौञ्चा काकचञ्चुपुटस्थिता । काकाख्या काकशब्दस्था कालाग्निदहनाथीका ॥ १३३॥
कुचक्षनिलया कुत्रा कुपुत्रा क्रतुरक्षिका । कनकप्रतिभाकारा करबन्धाकृतिस्थिता ॥ १३४॥
कृतिरूपा कृतिप्राणा कृतिक्रोधनिवारिणी । कुक्षिरक्षाकरा कुक्षा कुक्षिब्रह्माण्डधारिणी ॥ १३५॥
कुक्षिदेवस्थिता कुक्षिः क्रियादक्षा क्रियातुरा । क्रियानिष्ठा क्रियानन्दा क्रतुकर्मा क्रियाप्रिया ॥ १३६॥
कुशलासवसंशक्ता कुशारिप्राणवल्लभा । कुशारिवृक्षमदिरा काशीराजवशोद्यमा ॥ १३७॥
काशीराजगृहस्था च कर्णभ्रातृगृहस्थिता । कर्णाभरणभूषाढ्या कण्ठभूषा च कण्ठिका ॥ १३८॥
कण्ठस्थानगता कण्ठा कण्ठपद्मनिवासिनी । कण्ठप्रकाशकारिणी कण्ठमाणिक्यमालिनी ॥ १३९॥
कण्ठपद्मसिद्धिकरी कण्ठाकाशनिवासिनी । कण्ठपद्मसाकिनीस्था कण्ठषोडशपत्रिका ॥ १४०॥
कृष्णाजिनधरा विद्या कृष्णाजिनसुवाससी । कुतकस्था कुखेलस्था कुण्डवालङ्कृताकृता ॥ १४१॥
कलगीता कालघजा कलभङ्गपरायणा । कालीचन्द्रा कला काव्या कुचस्था कुचलप्रदा ॥ १४२॥
कुचौरघातिनी कच्छा कच्छादस्था कजातना । कञ्जाछदमुखी कञ्जा कञ्जतुण्डा कजीवली ॥ १४३॥
कामराभार्सुरवाद्यस्था कियधङ्कारनादिनी । कणादयज्ञसूत्रस्था कीलालयज्ञसञ्ज्ञका ॥ १४४॥
कटुहासा कपाटस्था कटधूमनिवासिनी । कटिनादघोरतरा कुट्टला पाटलिप्रिया ॥ १४५॥
कामचाराब्जनेत्रा च कामचोद्गारसङ्क्रमा । काष्ठपर्वतसन्दाहा कुष्ठाकुष्ठ निवारिणी ॥ १४६॥
कहोडमन्त्रसिद्धस्था काहला डिण्डिमप्रिया । कुलडिण्डिमवाद्यस्था कामडामरसिद्धिदा ॥ १४७॥
कुलामरवध्यस्था कुलकेकानिनादिनी । कोजागरढोलनादा कास्यवीररणस्थिता ॥ १४८॥
कालादिकरणच्छिद्रा करुणानिधिवत्सला । क्रतुश्रीदा कृतार्थश्रीः कालतारा कुलोत्तरा ॥ १४९॥
कथापूज्या कथानन्दा कथना कथनप्रिया । कार्थचिन्ता कार्थविद्या काममिथ्यापवादिनी ॥ १५०॥
कदम्बपुष्पसङ्काशा कदम्बपुष्पमालिनी । कादम्बरी पानतुष्टा कायदम्भा कदोद्यमा ॥ १५१॥
कुङ्कुलेपत्रमध्यस्था कुलाधारा धरप्रिया । कुलदेवशरीरार्धा कुलधामा कलाधरा ॥ १५२॥
कामरागा भूषणाढ्या कामिनीरगुणप्रिया । कुलीना नागहस्ता च कुलीननागवाहिनी ॥ १५३॥
कामपूरस्थिता कोपा कपाली बकुलोद्भवा । कारागारजनापाल्या कारागारप्रपालिनी ॥ १५४॥
क्रियाशक्तिः कालपङ्क्तिः कार्णपङ्क्तिः कफोदया । कामफुल्लारविन्दस्था कामरूपफलाफला ॥ १५५॥
कायफला कायफेणा कान्ता नाडीफलीश्वरा । कमफेरुगता गौरी कायवाणी कुवीरगा ॥ १५६॥
कबरीमणिबन्धस्था कावेरीतीर्थसङ्गमा । कामभीतिहरा कान्ता कामवाकुभ्रमातुरा ॥ १५७॥
कविभावहरा भामा कमनीयभयापहा । कामगर्भदेवमाता कामकल्पलतामरा ॥ १५८॥
कमठप्रियमांसादा कमठा मर्कटप्रिया । किमाकारा किमाधारा कुम्भकारमनस्थिता ॥ १५९॥
काम्ययज्ञस्थिता चण्डा काम्ययज्ञोपवीतिका । कामयागसिद्धिकरी काममैथुनयामिनी ॥ १६०॥
कामाख्या यमलाशस्था कालयामा कुयोगिनी । कुरुयागहतायोग्या कुरुमांसविभक्षिणी ॥ १६१॥
कुरुरक्तप्रियाकारी किङ्करप्रियकारिणी । कर्त्रीश्वरी कारणात्मा कविभक्षा कविप्रिया ॥ १६२॥
कविशत्रुप्रष्ठलग्ना कैलासोपवनस्थिता । कलित्रिधा त्रिसिद्धिस्था कलित्रिदिनसिद्धिदा ॥ १६३॥
कलङ्करहिता काली कलिकल्मषकामदा । कुलपुष्परङ्ग सूत्रमणिग्रन्थिसुशोभना ॥ १६४॥
कम्बोजवङ्गदेशस्था कुलवासुकिरक्षिका । कुलशास्त्रक्रिया शान्तिः कुलशान्तिः कुलेश्वरी ॥ १६५॥
कुशलप्रतिभा काशी कुलषट्चक्रभेदिनी । कुलषट्पद्ममध्यस्था कुलषट्पद्मदीपिनी ॥ १६६॥
कृष्णमार्जारकोलस्था कृष्णमार्जारषष्ठिका । कुलमार्जारकुपिता कुलमार्जारषोडशी ॥ १६७॥
कालान्तकवलोत्पन्ना कपिलान्तकघातिनी । कलहासा कालहश्री कलहार्था कलामला ॥ १६८॥
कक्षपपक्षरक्षा च कुक्षेत्रपक्षसङ्क्षया । काक्षरक्षासाक्षिणी च महामोक्षप्रतिष्ठिता ॥ १६९॥
अर्ककोटिशतच्छाया आन्वीक्षिकिङ्कराचीता । कावेरीतीरभूमिस्था आग्नेयार्कास्त्रधारिणी ॥ १७०॥
इं किं श्रीं कामकमला पातु कैलासरक्षिणी । मम श्रीं ईं बीजरूपा पातु काली शिरस्थलम् ॥ १७१॥
उरुस्थलाब्जं सकलं तमोल्का पातु कालिका । ऊडुम्बन्यर्करमणी उष्ट्रेग्रा कुलमातृका ॥ १७२॥
कृतापेक्षा कृतिमती कुङ्कारी किंलिपिस्थिता । कुन्दीर्घस्वरा क्लृप्ता च कें कैलासकराचीका ॥ १७३॥
कैशोरी कैं करी कैं कें बीजाख्या नेत्रयुग्मकम् । कोमा मतङ्गयजिता कौशल्यादि कुमारिका ॥ १७४॥
पातु मे कर्णयुग्मन्तु क्रौं क्रौं जीवकरालिनी । गण्डयुग्मं सदा पातु कुण्डली अङ्कवासिनी ॥ १७५॥
अर्ककोटिशताभासा अक्षराक्षरमालिनी । आशुतोषकरी हस्ता कुलदेवी निरञ्जना ॥ १७६॥
पातु मे कुलपुष्पाढ्या पृष्ठदेशं सुकृत्तमा । कुमारी कामनापूर्णा पार्श्वदेशं सदावतु ॥ १७७॥
देवी कामाख्यका देवी पातु प्रत्यङ्गिरा कटिम् । कटिस्थदेवता पातु लिङ्गमूलं सदा मम ॥ १७८॥
गुह्यदेशं काकिनी मे लिङ्गाधः कुलसिंहिका । कुलनागेश्वरी पातु नितम्बदेशमुत्तमम् ॥ १७९॥
कङ्कालमालिनी देवी मे पातु चारुमूलकम् । जङ्घायुग्मं सदा पातु कीर्तीः चक्रापहारिणी ॥ १८०॥
पादयुग्मं पाकसंस्था पाकशासनरक्षिका । कुलालचक्रभ्रमरा पातु पादाङ्गुलीर्मम ॥ १८१॥
नखाग्राणि दशविधा तथा हस्तद्वयस्य च । विंशरूपा कालनाक्षा सर्वदा परिरक्षतु ॥ १८२॥
कुलच्छत्राधाररूपा कुलमण्डलगोपिता । कुलकुण्डलिनी माता कुलपण्डितमण्डिता ॥ १८३॥
काकाननी काकतुण्डी काकायुः प्रखरार्कजा । काकज्वरा काकजिह्वा काकाजिज्ञा सनस्थिता ॥ १८४॥
कपिध्वजा कपिक्रोशा कपिबाला हिकस्वरा । कालकाञ्ची विंशतिस्था सदा विंशनखाग्रहम् ॥ १८५॥
पातु देवी कालरूपा कलिकालफलालया । वाते वा पर्वते वापि शून्यागारे चतुष्पथे ॥ १८६॥
कुलेन्द्रसमयाचारा कुलाचारजनप्रिया । कुलपर्वतसंस्था च कुलकैलासवासिनी ॥ १८७॥
महादावानले पातु कुमार्गे कुत्सितग्रहे । राज्ञोऽप्रिये राजवश्ये महाशत्रुविनाशने ॥ १८८॥
कलिकालमहालक्ष्मीः क्रियालक्ष्मीः कुलाम्बरा । कलीन्द्रकीलिता कीला कीलालस्वर्गवासिनी ॥ १८९॥
दशदिक्षु सदा पातु इन्द्रादिदशलोकपा । नवच्छिन्ने सदा पातु सूर्यादिकनवग्रहा ॥ १९०॥
पातु मां कुलमांसाढ्या कुलपद्मनिवासिनी । कुलद्रव्यप्रिया मध्या षोडशी भुवनेश्वरी ॥ १९१॥
विद्यावादे विवादे च मत्तकाले महाभये । दुर्भीक्षादिभये चैव व्याधिसङ्करपीडिते ॥ १९२॥
कालीकुल्ला कपाली च कामाख्या कामचारिणी । सदा मां कुलसंसर्गे पातु कौले सुसङ्गता ॥ १९३॥
सर्वत्र सर्वदेशे च कुलरूपा सदावतु । इत्येतत् कथितं नाथ मातुः प्रसादहेतुना ॥ १९४॥
अष्टोत्तरशतं नाम सहस्रं कुण्डलीप्रियम् । कुलकुण्डलिनीदेव्याः सर्वमन्त्रसुसिद्धये ॥ १९५॥
सर्वदेवमनूनाञ्च चैतन्याय सुसिद्धये । अणिमाद्यष्टसिद्ध्यर्थं साधकानां हिताय च ॥ १९६॥
ब्राह्मणाय प्रदातव्यं कुलद्रव्यपराय च । अकुलीनेऽब्राह्मणे च न देयः कुण्डलीस्तवः । प्रवृत्ते कुण्डलीचक्रे सर्वे वर्णा द्विजातयः ॥ १९७॥
निवृत्ते भैरवीचक्रे सर्वे वर्णाः पृथक्पृथक् । कुलीनाय प्रदातव्यं साधकाय विशेषतः ॥ १९८॥
दानादेव हि सिद्धिः स्यान्ममाज्ञाबलहेतुना । मम क्रियायां यस्तिष्ठेत्स मे पुत्रो न संशयः ॥ १९९॥
स आयाति मम पदं जीवन्मुक्तः स वासवः । आसवेन समांसेन कुलवह्नौ महानिशि ॥ २००॥
नाम प्रत्येकमुच्चार्य जुहुयात् कार्यसिद्धये । पञ्चाचाररतो भूत्त्वा ऊर्ध्वरेता भवेद्यतिः ॥ २०१॥
संवत्सरान्मम स्थाने आयाति नात्र संशयः । ऐहिके कार्यसिद्धिः स्यात् दैहिके सर्वसिद्धिदः ॥ २०२॥
वशी भूत्त्वा त्रिमार्गस्थाः स्वर्गभूतलवासिनः । अस्य भृत्याः प्रभवन्ति इन्द्रादिलोकपालकाः ॥ २०३॥
स एव योगी परमो यस्यार्थेऽयं सुनिश्चलः । स एव खेचरो भक्तो नारदादिशुकोपमः ॥ २०४॥
यो लोकः प्रजपत्येवं स शिवो न च मानुषः । स समाधिगतो नित्यो ध्यानस्थो योगिवल्लभः ॥ २०५॥
चतुर्व्यूहगतो देवः सहसा नात्र संशयः । यः प्रधारयते भक्त्या कण्ठे वा मस्तके भुजे ॥ २०६॥
स भवेत् कालिकापुत्रो विद्यानाथः स्वयम्भुवि । धनेशः पुत्रवान् योगी यतीशः सर्वगो भवेत् ॥ २०७॥
वामा वामकरे धृत्त्वा सर्वसिद्धीश्वरो भवेत् । यदि पठति मनुष्यो मानुषी वा महत्या ॥ २०८॥
सकलधनजनेशी पुत्रिणी जीववत्सा । कुलपतिरिह लोके स्वर्गमोक्षैकहेतुः स भवति भवनाथो योगिनीवल्लभेशः ॥ २०९॥
पठति य इह नित्यं भक्तिभावेन मर्त्यो हरणमपि करोति प्राणविप्राणयोगः ।
स्तवनपठनपुण्यं कोटिजन्माघनाश कथितुमपि न शक्तोऽहं महामांसभक्षा ॥ २१०॥
॥ श्रीरुद्रयामले उत्तरतन्त्रे षट्चक्रप्रकाशे भैरवीभैरवसंवादे महाकुलकुण्डलिनी सहस्रनाम स्तोत्रं सम्पूर्णम् ॥
